عمانيات -
رد النائب معتز ابو رمان على ما تطرق له النائب طارق خوري وفقا لما جاء على صفحة" السلط نيوز" الالكترونية قوله:
زميلي طارق خوري ، الي بيطرق الباب بسمع الجواب ، لما تحكي عن الفيصلي تنقى كلامك منيح ، إسمحلي ارد عليك بكلمتين عشان تعرف ليش مش مقبول منك تناكف جماهير الفيصلي ..
لأن الفيصلي زعامة و عشان هيك لقبوه "الزعيم" ، و لأن الفيصلي مش مجرد فريق ، الفيصلي تاريخ و عراقة و ارث ، يعني باختصار الفيصلي مثل البتراء منحوت في القلب ..
و الفيصلي يا سعادة النائب رسالة وطن لانه بوحد و ما بفرق و عمره ما كانت اجندته عنصريه ، بنحب الأرض و بنحب الشعب و بنحب القدس العربية ..
تعرف ليه الفيصلي شعاره النسر ؟! ، لأن النسور تسكن القمم و تحوم فوق الجبال..
فنصيحتي الك سعادتك ، ريح راسك لانه
الكبير بظل كبير و جمهور الفيصلي بعد و بمد
و لما بتشوفه بالملعب بتحسه مثل البحر بتموج و صوته بهدر هدر ، و سلامتك من المناكفة..