عمانيات - عبرت الفنانة السورية ​سلاف فواخرجي​ وهي تتحدث عن تجربتها مع فريق عمل مسلسل “​شارع شيكاغو​” ، عن المجهود الذي وضعته في هذا العمل من إحساس وتعب.
وقالت عبر حسابها على موقع “تويتر” “الصورالجماعية اللي تصورناها بمسلسل شارع شيكاغو كتير، دورت على صورة بتجمع الكل بدون استثناء مالقيت.. لانو هالعمل اللي انعمل بالدمعة قبل الضحكة، وبالشقا قبل الفرح انعمل بروح الجماعة، بإيمان الجماعة وبتتفاوت نسبة الايمان احيانا من شخص لآخر وهاد شي طبيعي”.

وأضافت فواخرجي: “بس بالاخر في مسلسل اخد من عمرنا وحياتنا جزء مو بسيط ولاسهل،متل كل عمل بياخد مننا. بس في أعمال تانية بتعطي مو بس بتاخد والاخدوالعطاء ابدامو مادي، وانما تأثر وتأثير، وفكر، ووجدان، ومسؤولية، وكتير من الحب. ومسلسلنا شارع شيكاغو عطانا متل ماعطيناه”.

وتابعت: “والمغامرة أساس بالفن، واللي بيخاف من المغامرة بيبقى مكانه عم يرواح. انحب المسلسل او مانحب ، هو أمر خارج عن ارادتنا ورغبتنا، بس ماحدا بيقدر ينكر انو أثر، انو غيّر، وانو حرك مياه راكدة، وفتح آفاق لافكار مصبّرة، ولقلوب متحجرة بتتمنى تحب ومو قادرة”.

وفي حديثها عن المسلسل أشارت إلى الحب الكبير الذي تشعر به نحو فريق العمل كاتبة “بكل الحب اللي الله عطاني ياه بقوة وانعم عليي فيه وبقدرتي عليه وبالتعبير عنه. بقول لعائلتي بمسلسل شارع شيكاغو بحبكم فردا فردا والاسماء كتيرة،وعزيزة بحترم تعبكم وشراكتكم ومحبتكم واحترامكم واخلاصكم”.

وأضافت: “لأي درجة نجحنا او مانجحنا،مابعرف المهم انو اشتغلناه بضمير بايمان باخلاص وبايثار(عند الاغلبية) وبعرفان مو نكران (كمان عند الاغلبية) غامرنا بكتير مطارح بس ماخاطرنا والفرق بين المغامرة والمخاطرة بسيط،المهم يكون العقل حاضر، والهدف واضح، والمسؤولية كبيرة”.

وختمت فواخرجي: “وأخيرا وليس آخرا محمد عبدالعزيز شريكي بالعمل اجتمعنا بالفكر وتجلينا بالروح وحتى الجنون كمان تشاركنا فيه بكتير من الشغف والحب سعيدة انو ايدي وايدك كانوا سوا كبداية طريق بعدنا بأوله انت وانا…”.

وكانت قد نشرت فواخرجي مؤخرا صورة لها من كواليس المسلسل تبدو فيها في نفق تحت الأرض برفقة زوجها الممثل السوري ​وائل رمضان​، الذي يلعب دور يوسف في المسلسل، معبرة عن ثقتها التامة بما تقدمه وتجاهلها لما يثار حوله.
والمسلسل كان من المقرر ان يتم عرضه في رمضان الماضي،و لكن توقفت أعمال التصوير بسبب جائحة فيروس كورونا، وتم تأجيله إلى 26 يوليو 2020 ليعرض على قناة أو أس إن. والمسلسل من بطولة سلاف فواخرجي، مهيار خضور، عباس النوري، أمل عرفة، دريد لحام، نادين سلامة، نادين خوري وحسام الشا