( هذا حوار افتراضي ، تخيّلي، حين وصل الرئيس الفرنسي ماكرون ألى بيت الكبيرة فيروز وكان ابنها الفنان العبقري زياد الرحباني في استقباله.. و كون زياد " مجنون فن و الحان " .. وله طريقة عفوية بالحديث جعلت معظم المحطات التلفزيونية ترفض إجراء حوارات معه..لانه يسبّ ويشتم وياخذ راحته ) وفيما يلي نصّ الحوار بين الرئيس ماكرون و والفنان زياد :
* زياد : مرحبا سيدي الرئيس في بيت فيروز.
* ماكرون : اهلا بك..
عفوا .. شو بتكون ل فيروز ، بتقربلها شي ؟
* زياد : العَمى ، انا ابنها الكبير زياد..
انت ما بتعرف زياد الرحباني.؟
* ماكرون : هذا بيت فيروز والا انت ساكن عندها ؟
* يا خيي هادا بيت بيّي عاصي .
* عاصي الحلاّني ؟
* يا زلمة.. عفوا سيدي الرئيس هيدا بيت عاصي الرحباني.. شو دخل ع.الحلاّني..
انت ما بتعرف الفنان العظيم عاصي الرحباني ؟
* ماكرون : ما قلت لي .. انت ساكن هون ؟
* لا .. انا الي بيت.. بس باجي أحيانا باطمّن على الوالدة اذا محتاجة شي لحن .
* ماكرون : انت بتلحّن كمان ؟
* طبعا..
دخلك ما سمعت اغنية فيروز " سألوني الناس "
هيدي من الحاني.
* للاسف ما سمعتها.. لما امك غنتها ب باريس انا ما كنت مولود.
* ليش انت مواليد اي سِنة؟
* ماكرون : 1977.
* زياد : اكيد ما سمعتها..
( الرئيس ماكرون يبدو منزعجا من تأخّر الست فيروز في الظهور ..فيسأل زياد :
* ماكرون : تأخرت الست فيروز .. ما هيك ؟
* زياد : الوالدة بتلبس .. قرّبت توصل.
ويتابع : سيادتك شو بتحب من اغاني الوالدة ؟
* ماكرون: اغنية ل " بيروت ".
* زياد : دخلك رح تشوف الزعما اللي خربوا البلد ؟
* ماكرون : قصدك المسؤولين وزعماء الكتل السياسية؟
* زياد : همّ بيقولوا عنهن هيك.. ما في فايدة منهن .. كلهن
كلهن
ولو غبت كمان 100سنة ورجعت تلاقيهم زي ما هنّ .. بيموتوا وبيورّثوا نفس المناصب لاولادهن واحفادهن.
* ماكرون : فرنسا مهتمة بتحسين ظروف المواطن اللبناني.. هذه سياستنا .
* زياد : والزعما اللي عنّا حريصين على نهب البلد.. شو رح تصلّح تاتصلّح
خربااانة
(وهنا .. تطلّ السيدة فيروز ويتوقف الحوار وينسحب زياد ويقول للرئيس ماكرون :
بالنسبة لبكرة .. شو ؟)